2026 жылдың 9 сәуірінде «Жасдәурен» жастар денсаулық орталығының мамандары Ақтөбе құрылыс-техникалық колледжі студенттері арасында жыныстық тәрбие, ерте жүктіліктің алдын алу және оның зияны туралы түсіндірме жұмыстарын жүргізді.

Іс-шара барысында жасөспірімдерге жыныстық тәрбиенің маңызы, ерте жүктіліктің денсаулыққа, психологиялық және әлеуметтік жағдайға тигізетін кері әсерлері түсіндірілді. Сонымен қатар, жеке бас гигиенасы, зиянды әдеттердің алдын алу, қауіпсіз мінез-құлық дағдылары және жауапкершілік туралы ақпараттар берілді. Қатысушылар өздерін қызықтырған сұрақтарын қойып, мамандар тарапынан толық әрі нақты жауаптар алды.

Іс-шараның мақсаты – жасөспірімдер арасында салауатты өмір салтын қалыптастыру, жыныстық тәрбиенің маңыздылығын арттыру, ерте жүктіліктің алдын алу, жауапкершілікті мінез-құлық дағдыларын дамыту және өз денсаулығына ұқыпты қарауға баулу.