7 сәуір – Дүниежүзілік денсаулық күніне орай Облыстық денсаулық сақтау басқармасына қарасты емдеу мекемелері, салауатты өмір салтын қалыптастыру мамандары және Ақтөбе қаласындағы Жастар денсаулық орталықтарының ұйымдастыруымен Қобыланды атындағы стадионның Арбат алаңында ауқымды шара өтті.
Шараға қала тұрғындары мен жастар белсене қатысты. Іс-шара барысында білікті спорттық жаттықтырушының жетекшілігімен сергіту жаттығулары ұйымдастырылып, көңілді флешмобтар өткізілді. Сонымен қатар, Жастар денсаулық орталықтарының қатысушылары арасында эстафеталық ойындар ұйымдастырылып, жеңімпаздар мен қатысушыларға алғыс хаттар мен сыйлықтар табысталды.
Шара соңында барлық қатысушыларға алғыс білдіріліп, естелік сыйлықтар ұсынылды