Құрметті тұрғындар!

Сіздердің денсаулықтарыңыз — біз үшін ең басты құндылық. Біздіңмедициналық ұйым күн сайын сіздерге сапалы, қолжетімді және қауіпсізмедициналық қызметтерді ұсыну үшін жұмыс істеуде.

Біз тек ауруды емдеумен ғана емес, оның алдын алуға, салауатты өмір салтын насихаттауға және әрбір тұрғынға жеке көзқараспен қарауға тырысамыз. Бұл жолда дәрігерлер мен мейірбикелерден тұратын кәсіби команда сіздерге көмектесуге әрдайым дайын.

Қазіргі таңда медициналық қызметтерді жақсарту мақсатында бірқатар өзгерістер енгізіліп жатыр. Атап айтқанда, алғашқы медициналық-санитариялық көмектің қолжетімділігін арттыру, электрондық жазылу, профилактикалық тексерулердің тиімділігін күшейту сияқты бағыттарда жұмыс жүргізілуде.

Сіздерден өтініш – өз денсаулығыңызды назардан тыс қалдырмаңыздар. Уақытылы тексеріліп, кеңес алыңыздар. Ал біз — сіздер үшін әрдайым осындамыз.

Ізгі тілекпен Алтынбек Жалгасбаевич Жанабаев.  

№6 Қалалық емхана 

Біздің веб-сайтта сіз денсаулық сақтау мәселелері, ағымдағы жаңалықтар және алдағы оқиғалар туралы хабарландырулар туралы пайдалы ақпаратты таба аласыз.

Азаматтарды қабылдау:                                                

сәрсенбі сағат  09:00-12:00 

Алтынбек Жалғасбайұлы Жаңабаев, 1970 жылы 23 мамырда туған, Шаруашылық жүргізу құқығындағы №6 қалалық емхананың бас дәрігері қызметін атқарады. Жоғары білімді дәрігер. Ақтөбе мемлекеттік медицина академиясының жалпы медицина факультетін 1998 жылы бітірген.

1998-1999 жылдар аралығында Ақтөбе облыстық тері-венерологиялық диспансерінде тері-венерология мамандығы бойынша интернатурадан өтті. 1999 жылдан 2003 жылға дейін СВА-да жалпы тәжірибелік дәрігер болып жұмыс істеді. 2005 жылы Қазақстан Республикасы Төтенше жағдайлар министрлігі Ақтөбе қалалық жедел-құтқару жасағының құрамында бөлімше командирі қызметін атқарды. 2005-2007 жылдары Темір жол көлігіндегі мемлекеттік санитарлық-эпидемиологиялық қадағалау Батыс өңірлік департаментінде санитарлық-карантиндік станцияның бастығы қызметін атқарды.

2007-2008 жылдары Ақтөбе облыстық туберкулезге қарсы диспансері бас дәрігерінің орынбасары қызметін, 2008-2014 жылдар аралығында Мұғалжар аудандық туберкулезге қарсы ауруханасының бас дәрігері қызметін, 2014-2016 жылдар аралығында Алға орталық аудандық ауруханасының бас дәрігері қызметін атқарды. 2016-2022 жылдар аралығында «Қарғалы қалалық ауруханасы» шаруашылық жүргізу құқығындағы МКҚК-да қызмет етті.

Өз еңбегінде А.Ж. Жаңабаев өзіне және айналасындағыларға талапшыл, ұжымы мен емделушілер арасында лайықты құрметке ие, алға қойған мақсатына табандылық танытады. Ол команда құру іс-әрекетіне және топ жұмысын жақсартуға үлкен көңіл бөледі.

Медицина қызметкері күні ол мінсіз де адал еңбегі және азаматтардың денсаулығын сақтауға қосқан елеулі жеке үлесі үшін Қазақстан Республикасы Денсаулық сақтау министрінің Алғыс хатымен марапатталды. «Денсаулық сақтау саласына қосқан үлесі үшін» медалімен, 2017 жылы ұлттық денсаулық сақтау саласын дамытуға қосқан елеулі үлесі және Қазақстан халқының денсаулығын сақтау жолындағы жанқиярлық еңбегі үшін «Алтын дәригер» медалімен марапатталды.

2021 жылы Қазақстан Тәуелсіздігінің 30 жылдығына орай Халықаралық «Қазақ мәдениеті» қоғамының Алғыс хатымен,Ақтөбе қаласы Алматы ауданы әкімінің атынан 2021 жылғы Қазақстан Республикасының Тәуелсіздік күні мерекесіне орай Алғыс хатпен марапатталды.

2021 жылы Медицина қызметкерлері күніне орай Ақтөбе облысы әкімінің Құрмет грамотасымен марапатталды.