АУРУХАНА ТУРАЛЫ

ШЖҚ «№6 Қалалық емхана» МКК

Ақтөбе облысы әкімшілігінің 2014 жылғы 24 қарашадағы «Мемлекеттік коммуналдық кәсіпорындарды қайта құру» туралы №413 Қаулысымен және Облыстық денсаулық сақтау басқармасының 2014 жылдың 28 қарашадағы «Мемлекеттік коммуналдық кәсіпорындарды қайта тіркеуден өткізу» туралы № 213ө-§3 Бұйрығымен 01 қаңтар 2015 жылдан бастап ШЖҚ МКК «№6 Қалалық емханасы»  ашылды. Емхана Әбілқайыр хан даңғылы,87 орналасқан. Ғимарат 1985 жылы салынған тұрғын үйдің 1 қабатында орналасқан.

Бас дәрігер - Көптілеуов Жексенбі Аққабиұлы «Әлеуметтік гигиена және денсаулық сақтаулы ұйымдастыру» мамандығы бойынша І – санаттағы дәрігер ұйымдастырушы. 
2011 жылы ҚР Президентінің Жарлығымен «Ерен еңбегі үшін» медалімен, 2002 жылы «Денсаулық сақтау ісінің үздігі»,  2002 жылы «ҚР –ың тәуелсіздігіне 10 жыл мерекелік медалімен», 2016 жылы  «ҚР –ың тәуелсіздігіне 25 жыл мерекелік медалімен», 2000 жылы «Жыл адамы», 2014 жылы Ұлттық бизнесорталығы қоғамдастығының «Қазақстан даңқы ордені» иегері.

«№6 Қалалық емханасында» қазір 53 дәрігер, 111 қызмет етеді. Оның ішінде 25 дәрігерлердің және 55 медбикенің санаты бар.
Емхана балалар мен ересектерге жоғары білікті және мамандандырылған 14 мамандық бойынша көмек көрсетеді: жалпы тәжірибелі дәрігерлер, терапевттер, педиатрлар, жасөспірім дәрігері, акушер-гинекологтар, хирургтар, невролог, кардиолог, отоларинголог, офтальмолог, уролог, эндокринолог, онколог, рентгенолог,травматолог.
Клиникалық-биохимиялық лабораторияда диагностикалық зерттеулер, ультрадыбысты диагностика (бүйрек, бауыр, өкпе, қалқанша безі, сүт безі), функционалды диагностика, электрокардиография, Холтер бойынша электрокардиография, спирография, контактсыз апаратында көз қысымын өлшеу, кальпоскопия жүргізіледі.
Емхана құрылымы:

• Әкімшілік-шаруашылық бөлімі
• Статистикалық бөлімі
• Тіркеу бөлімі
• Алғашқы медициналық-санитарлық көмек
• Күндізгі емхана
• Консультативті диагностикалық бөлім
• Флюрография бөлмесі
• Функциональды диагностика бөлімі
• Жас-өспірімдер бөлмесі
• Алдын алу және әлеуметтік-психологиялық көмек көрсету бөлімі 

Алғашқы медициналық-санитарлық көмек бөлімі
Алғашқы медициналық-санитарлық көмек бөлімінде 17 алқап бар, оның 13 жалпы тәжірибелік дәрігер, 2 терапевт және 2 педиатр алқаптары. Қосымша консультант педиатр бар. Қосымша дәрігерге дейінгі қабылдау бөлмесі, фильтр бөлмесі, орта медициналық қызметкерлер бөлмесі, екпе және емшара бөлмесі, жалпы тәжірибелік дәрігерлердің, терапевт, педиатр, акушер-гинеколог, қақырық жинау, тексеріп қарау, бөлім меңгерушілері бөлмелері, аға медбике бөлмесі, профилактикалық қарау, алғашқы ауыз регидротация, жасөспірімдерді қабылдау бөлмелері жұмыс жасайды.

Күндізгі емхана
Күндізгі емханада 40 кереует бар, оның 20 кереуеті негізгі ғимаратта, 20 кереуеті емхананың консультативті-диагностикалық бөлімінде орналасқан. Науқастар күндізгі емханаға күндіз келіп, қажетті емін алып, келесі ем – дауаға дейін демалып үйіне кетеді. Күндізгі емханадағы ем белсенді өмір салтын сақтауға мүмкіндік береді. Күндізгі емханаға жіберу мен жатқызу бас дәрігердің бекіткен тәртібімен, емдеу барысы тәжірибелі дәрігердің қадағалауымен жүргізіледі. Күндізгі емхананың халыққа көрсететін медициналық және дәрілік көмегі ҚР «тегін медициналық көмектің кепілдік» бағдарламасы бойынша іске асады.

Консультативті диагностикалық бөлімі
Консультативті диагностикалық бөлім Есет батыр көшесі, 67 мекен жайында орналасқан. Консультативті диагностикалық бөлімінде арнайы консультативті диагностикалық көмек көрсететін терапевт, кардиолог, невролог, хирург, уролог, окулист, отолоринголог, эндокринолог, стоматолог, рентгенолог мамандары қызмет етеді. Қосымша рентген, УДЗ, аудиограмма, Эхо, ЭКГ, лаборатория, физиобөлмесі және 20 кереуеттік күдізгі емхана бар.

Алдын алу және әлеуметтік-психологиялық көмек көрсету бөлімі 
Денсаулық сақтау саласының басты бағыты алдын-алу шаралары болып табылады. Алдын-алу жұмыстарын емханада жүргізу үшін профилактика және әлеуметтік-психологиялық көмек бөлімі құрылған. Скрининг бағдарламасы бойынша халықтың әр түрлі санаты бойынша профилактикалық тексеруден өткізу. Скрининг бөлмесі «Халықтың нысаналы топтарын профилактикалық медициналық тексеріп-қарауды жүргізу» ережесін бекіту туралы Қазақстан Республикасы Денсаулық сақтау министрінің м.а. 2009 жылғы 10 қарашадағы №685 бұйрығына өзгерістер енгізу туралы ҚР  Денсаулық сақтау және әлеуметтік даму министрінің  2014 жылғы  29 желтоқсанындағы № 361 бұйрығымен тікелей жұмыс жасайды.

Ересек халықты скринингтік тексеріп-қараудың негізгі бағыты 
1) қанайналым жүйесінің негізгі ауруларын-артериялық гипертонияны, жүректің ишемиялық ауруын;
2) ерлер мен әйелдердің арасындағы қант диабетін;
3) әйелдердің арасында жатыр мойнының ісікалды, қатерлі ісіктерін;
4) әйелдердің арасында сүт бездерінің ісікалды, қатерлі ісіктерін;
5) ерлер мен әйелдердің арасында глаукоманы;
6) ерлер мен әйелдердің арасында жуан және тік ішектің, өңеш және асқазанның қатерлі ісіктерін ерте анықтап,   алдын алуға бағытталған.
Аурулардың алдын алу мақсатында алдын алу және әлеуметтік-психологиялық көмек көрсету бөлімінде денсаулық мектептері, психологиялық және әлеуметтік көмек ұйымдастырылған. Бөлім халықпен тығыз жұмыс жасайды. Соның ішінде шылым шегу, ішімдік, артық салмақ сияқты қауіп факторлер анықталған топпен жұмыс жасайды. Бөлімде әлеуметтік қызметкерлер мен психологтар қабылдау жүргізеді.

Медицина саласына ұзақ жылдар бойы еңбегі сіңген емхана ардагерлері: