Біздің емханамызда «Ұзақ әрі белсенді өмір сүру» мектебі ұйымдастырылып, ойдағыдай қызмет атқаруда. Оқу бағдарламасы мектеп «қатысушыларына» арналған 5 сабақтан тұрады. Әр сабақ үш бөлімнен тұрады: бірінші бөлім: ақпараттық бөлімнен тұрады (дәрігерлер дәріс немесе тақырыпты талқылау арқылы өткізеді); екінші бөлім: сауықтыру дене тәрбиесі түрінде өткізіледі; ал үшінші бөлімде психологтармен және егде адамдардың өмір сүру сапасын, өмір ұзақтығын арттыруға, әлеуметтік және психологиялық саламаттылыққа бағытталған, «Бос уақытты ұйымдастыру үшін жағдай жасау» бағыты аясында  жұмыс жүргізіледі

Мектепті -  профилактика және әлеуметтік-психологиялық көмек бөлімінің аға медбикесі, жоғары санатты медбике, академиялық бакалавр, Қоғамдық денсаулық сақтау магистрі Бағдагүл Әбутәліқызы Ділманова өткізеді.

2023 жылдың 2 қазанында 1 қазан қарттар күніне орай  Облыстық денсаулық басқармасының ұйымдастыруымен , емдеу мекемелерінің кәсіподақ ұйымының қолдауымен «Сапалы ұзақ өмір - сүру менің таңдауым» атты ұранмен медицина мекемелерінің  Қарттар  денсаулық мектептерінің белсенді қатысушылары арасында  «Шәмші әндері»  атты ән конкурсы ұйымдастырылды. Шараға 9 емдеу мекемесінен жасы 65 асқан қарттар қатысты. Қазақ вальсінің королі атанған Шәмші ағаның әуендерін қарттар ұлттық нақышпен орындады. Конкурсқа №6 Қалалық емхананың пациенті Рыскелдина Клара Есеновна қатысып, жүлделі 1 орын иеленді. 
1-қазан Қарттар күнімен құттықтай отырып келесі номинация бойынша емдеу мекемелерінің  кәсіподақ ұйымының ұйымдастыруымен: 1.Салауатты өмір салтын ұстанушы, 2.Скандинавиялық жүріспен белсенді айналысушы, 3.Қарттар денсаулық мектебінің белсенді қатысушысы, 4.Ұзақ өмір сүруші, 5.Емхананың белсенді денсаулық саласының ардагерлеріне алғыс хаттармен сыйлықтар берілді. Халқына тіреу, басына бағдаршы, жасына ақылшы болатын қарттарымыз қашан да аман болсын!