Школа подготовки к родам

Емханада Босануға дайындық мектебі жұмыс жасайды. Мектепті бірінші санатты дәрігер, Ақтөбе мемлекеттік медицина университетінің түлегі (1996-2003 ж.) акушер-гинеколог Айткалиева Айнат Умбетжанов мен М.Маметова атындағы жоғарғы медициналық колледж түлегі жас маман - акушер Битикова Аружан жүргізеді.
Сіз сеніміңізді біздегі білікті мамандарға артсаңыз ещқашан қателеспейсіз, әрі негізгі басты мәселеңіз шешім тауып, мыналарға қол жеткізесіз:
- ілтипатты қарым-қатынас;
- сауатты кеңес;
- үздік күтім;
- медициналық және психологиялық қолда.

Біздің  «мектептің  артықшылықтары»:

- дәрігер қызметкерлердің біліктілігі;
- қызметкерлердің бай тәжірибесі мен білімі;
- қызмет көрсетудің тиімді бағасы;
- тәжірибелі қызметкерлердің бірегей сабақтары;
Сабақтарға тәжірибесі бар аналар, жас аналар да қатыса алады. Сонымен қатар әкелердің  де кеңес сабақтарына қатысып, түрлі қажетті ақпараттарды алуға мүмкіндігі бар. Мұндағы дәрістер көбіне психологиялық, физикалық тұрғыдан дайындық жасау үшін жүргізіледі. 
Сіз мамандарға сүйенсеңіз барлық мәселенің шешімін табасыз. Сондықтан жүктілік жеңіл болып, босану – қиындықсыз өтіп, ұрпақтың дені сау бақытты болсын!
Жас аналар мектебі жөніндегі ақпаратты Сіз мына телефондар арқылы ала аласыз:
+7 (701) 435 1517 (8:00-ден бастап 15:00-ге дейін)
+7 (777)781 8170 (8:00-ден бастап 17:00-ге дейін)







2023жылдың шілденің 27не  № 6 Қалалық емхана консультативтік-диагностикалық бөлімшесінде босануға дайындық мектебі аясында жоспар бойынша «Жүктілік кезіндегі гигиеналық ережелер» дайындық тақырыбында кезекті денсаулық мектебі өткізілді. Сабақта: дене тазалығы, ауыз қуысының тазалығы туралы айтылды.
Дене тазалығы:Қарапайым суға түсу шаралары: сүртіну, жуыну, шайыну, душ, ванна. Сонымен бірге, қауіпсіздік ережелерін де естен шығармаңыз.
Стоматологқа жиі барып тұрыңыз. Жүктілік кезінде стоматологқа кем дегенде төрт рет қаралғаныңыз жөн: жүктіліктің 6-8, 16-18, 26-28, 36-38 аптасында. Жүктіліктің ерте кезеңінде стоматолог-дәрігерді жүктілігіңіз туралы ескертіп қойыңыз.
Әрбір тамақтанған соң аузыңызды міндетті түрде шайып отыруды ұмытпаңыз.Қызыл иегіңізге массаж жасаңыз.Массаж тісті қоршап тұратын бұлшықет тарамдарының қан айналысын жақсартады. Қызыл иекке қабынуға қарсы паста жағылады, үлкен және сұқ саусағыңызбен әр тісті кезек-кезек қамтып, жеңіл қимылдар жасайсыз. Массаждың ұзақтығы – 7-8 минут.
















№ 6 Қалалық емхана мамандары Дүниежүзілік бала емізу апталығына (1-7 тамыз) орай 01 тамызда «Емшекпен емізу» тақырыбында шеберлік класс өткізді. Мамандар емшекпен емізудің ережелерімен таныстырып, емшекке баланы салудың техникасының дағдыларын көрсетіп, гипогалактия мен маститтің алдын алу шаралары туралы мағлұмат берді.
Емізудің артықшылықтары:
Тамақтандыру қауіпсіздігінің кепілі, баланы инфекциялардан қорғау
Баланың өсуі мен жетілуіне пайдасы (физикалық және интеллектуалды дамуына)
Тамақтандыруға қаржылық шығындардың болмауы
Әйелдердің ауру қаупін төмендету
Дұрыс емізудің негізгі қағидалары:
1. Баланы туылғаннан кейінгі алғашқы сағат ішінде кеудеге басу;
2. Балаға емшекті дұрыс беру 
3. Бала емшек сұрағанда емізу, оның ішінде түнгі уақытта емізу.
4. Бір емшекті еміп болғаннан кейін баланы екінші емшекке ауыстыру.
5. Балаға емізік бермеу және бөтелкеден тамақтандырмау.
6. 6 айға дейін тек емшек сүтімен тамақтандыру (басқа сұйықтықтар бермеу).
7. Баланы 1,5-2 жасқа дейін емізу.
Шеберлік класс  балаға деген сенімін арттырып, ананың балаға деген жүректерінде мейірімділікті оятатын «Балаға сенім» атты психологиялық тренингпен аяқталды.