Қазақ тілі

18 наурыз 2025 жылы шаруашылық жүргізу құқығындағы «№6 қалалық емханасы»  мемлекеттік коммуналдық кәсіпорнында мекеме басшысы Жанабаев Алтынбек Жалгасбаевичтың бастамасымен, Халықаралық «Қазақ тілі» қоғамы Ақтөбе облыстық  ұйымының төрағасы Р.Рахиевтың қатысуымен  Қазақстан Республикасының 1997 жылғы 11 шiлдедегі №151«Қазақстан Республикасындағы Тілдер туралы» Заңын  орындау  туралы    жиналыс өткізілді.

  Жиналыс барысында қоғамдағы қазақ тіліне деген құрметті арттырып, мемлекеттік тілге ықыласы ауатын азаматтардың, қолдаушылардың санын көбейту, қазақ тілін қоғамдағы түрлі топтар мен ұлт өкілдері арасындағы қайшылық туғызатын себептеріне айналдырмау және осы бағыттағы басқа елдердің жұмыс тәжірибесімен таныстырып, ұжым қызметкерлеріне  қазіргі таңда елімізде мемлекеттік тілді дамытуға, өзге тілді ұлт өкілдерінің қазақ тілін үйренуіне үлкен көңіл бөлініп отырғандығы туралы ақпарат берді.

Ұлттық тіл- мәдениетіміздің іргетасы. Тіл-тарихи, мәдени құндылық. Тілді жасау және қалыптастыру-ұзақ уақытқа созылатын үрдіс. Қазақ тілі – үлкен тіршілік әлемі. Ол –қазақ деген халықтың тарихымен ұштасып жатыр. Қазақ тілі –талай ғасырды басынан кешірген тіл. Тәуелсіздік алған заманда қазақ тілін одан әрі дамытып, асқақтату, өзге ұлт өкілдерін мемлекеттік тілде сөйлеуге үйрету біздің – басты міндетіміз екенін еске салып, ана тілімізді дамыту жолында өткізілетін іс-шараларға белсене қатысуға шақырды. 

Жиналыс соңында, емхана заңгері Кошпанова Гулнар Алпысбаевна емханада «Қазақстан Республикасындағы Тілдер туралы» Заңының орындалуына аса мән берілетіндігін, оның ішінде 21-бабының орындалуына талап қойылатындығын айтты.